لعل الأفكار تحب الحرية فتتحول إلى كلمات

وصية أب لابنه


يا ابني أنا بعد عمر طويل رايح من هالدنيا ما بعرف لوين
دير بالك على أملاكي، إنت ما بتعرف أنا قديش سرقت ونهبت ودفعت رشاوي وهدايا حتى جمعتها
يا ابني اذا بدك تضاعف هالأموال لازم تتعلم مني وتمشي على خطايي
يا ابني لازم تدعس على العالم وإلا العالم لح تدعس فوقك وكل الناس يلي بتعرفهن ما حدا بمدلك ايدو اذا مالو مصلحة معك والمصاري هي أقوى المصالح
أبدا لا تفكر غير بحالك ، ومصلحتك أهم شي بهل الدنيا ، يا ابني هاد الحكي تبع الناس الدراويش عن القناعة أو عمل الخير لوجه الله هاد كلام مشان يتقبلو الواقع المر يلي هنن فيه. بس نحنا والحمد إلي واقعنا أحلى منو مافي وإذا بدك تلحق الدراويش بدك تصير متلهن
انسى أصلك وانسى بلدك واتذكر أنو اذا معك قرش بتسوى قرش
لا تخدم شخص اذا ما الك مصلحة معو لأنو الوقت ضيق وحقو مصاري ،لا تعلم حدا شي لأنو المعلومات حقها مصاري
اعرف يا ابني أنو المصاري بتشتريلك كلشي
أوعك تلحق الكلام الفاضي تبع المشاعر والأحاسيس والروح وهالقصص تبع الناس العاديين هي كلها مخدرات مشان العقل ما يحس بعذاب الفقر وعذاب الحرمان
يا ابني لا تضحك بوش حدا أقل منك مشان ما ياخد وش ويطلب منك مساعدة واضحك بوش يلي معهن أكتر منك لأنو بتقدر معاهن تزيد أموالك أكتر وأكتر
يا ابني هي حصيلة خبرتي بهل سنين الطويلة وأنا رايح على منتجع تطويل العمر بسويسرا برجع بعد شهر
يا بابا انت بتعرف انو انا مسؤول عن حمايتك الشخصية
أي بعرف يا ابني
يا بابا نصيحة لا ترجع وإلا مالح تكمل حياتك
شو هالحكي يا ابني
متل ما عم قلك يا بابا ، أنا برأيي صرت قادر إني دير الأملاك لحالي ومصروفك كبير وبرأيي ما عاد في حاجة إلك أنا عندي معارفي وعلاقاتي وصار لازم استخدم هالأموال بمعرفتي
لا يا ابني أنا أبوك ما بيصير هالحكي بغضب عليك
روح يا بابا قول هالحكي للدراويش أنا تعلمت كلشي منك وانت ما عاد تلزمني بشي فروح انفد بريشك احسنلك
آآآآخ قلبي

وهكذا مات الأب (أو قتل) بأزمة قلبية وتوافد المئات يقدمون التعازي للابن واستمر الابن بتطوير واستثمار أعمال الأب

3 تعليقات

  1. “ازم تدعس على العالم وإلا العالم لح تدعس فوقك”

    ما أرى في ذلك الأب
    سوى صورة انسان أفقدته الحياة وخشونتها متعة الشباب وأحلامهم
    فأصبح مدرسة في التعامل مع الحياة ونسي كل تلك الكلمات التي تلمع لها أعين الأطفال !

    بكل الاحوال كانت قراءة ممتعة تستحق التعمق بها مرة أخرى

    تحياتي

    13/04/2010 الساعة 2:42 صباحًا

  2. Grace

    حلووووووة كوميديا و تراجيديا في آن واحد.
    أكتر شي عجبني الجملة التالية

    “يا ابني لازم تدعس على العالم وإلا العالم لح تدعس فوقك وكل الناس يلي بتعرفهن ما حدا بمدلك ايدو اذا مالو مصلحة معك والمصاري هي أقوى المصالح”

    منقدر نحكي بالمثاليات و ننظر لبكرا و لبعد بعد بكرا…بس أنو حدن ينكر صحة الجملة السابقة صعب هاد القانون يلي ماشي حالياً..
    خليها على الله صديقي أحسن شي:D

    13/04/2010 الساعة 5:56 صباحًا

  3. وبكره بيجيه ابن متلو تمام .. و الذرية النقية ما بتنقطع

    13/04/2010 الساعة 5:34 مساءً

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s