لعل الأفكار تحب الحرية فتتحول إلى كلمات

الفايروسات – نصائح مهمة


مو حلوة بلوغ طويل عريض لمحمد شكو على الانترنت ومافيه ولا شي عن الكمبيوتر أو الانترنت ، برأي الشخصي المتواضع هاد الكلام لازم ينوضعلو حد ليس فقط لأنو محمد شكو بس كمان مشان اغناء المحتوى العربي ونبدأ بأحد أهم المواضيع

الفايروسات (أو البرمجيات الضارة يا بعدي)

لا تتكرم على اي موقع بقبول تحميل أي ملف وخصوصا اذا كنت تريد مشاهدة فيديو أو صورة وتفاجأة  بأنك يجب أن تحمل برنامج على كمبيوترك ويتكرم الموقع ليبدأ بتنزيل البرنامج هاد فايروس وخطير كمان بنسبة 99.5%

معلش استحمل وفتاح الفلاشة (USB Flash) من الإكسبلورر أو اكتب اسمها بشريط العنوان ولا تفتحها بالنقر المزدوج (Double click)لأنو الفلاشة من أهم طرق الإصابة بالإيدز

نسخة الانتي فايروس صار حقها 500 ليرة وأضرب أي تي ( مصلح كمبيوتر – كمبيوترجي) بدو يجي لعندك بياخد 200 ليرة طبعا هاد من النوع يلي بيروحلك كل الداتا واذا بدك واحد فهيم شوي بدك تدفع 500 وفوق على الزيارة فجيب انتي فايروس بترتاح من الاي تي يلي لح يسرقلك الداتا تبعك  متضمنة صور العيلة وخلافه

اي ايميل بيجيك بإنو في شحنة من DHL أو حوالة من western union  أو تحديث مهم جدا من Microsoft ومعو Attachment (ملف مرفق) هو عبارة عن فايروس وخصوصا انو مايكروسوف ودي اتش ال وويسترن يونيون ما معهن ايميلك وما حدا خبرك انو بعتلك شي ويل يبدو يبعتلك هدية ما لح يخبرك بالايميل

الصورة يلي بتجيك على الايميل وعنوانها كتير مغري وما بتقدر تشوفها لتنزلها ولو من شخص بتعرفو هي فايروس بنسبة 99.9% وناجحة

يقول المثل القديم كركات البرامج فايروسات ولو بعد حين فلذلك أحس شي خفف برامج بلا طعمة واذا ولا بد بدك تسرق برنامج دور على سيريال (كلمة سر) مو كرك (ملف) لأنو معظم الكركات (ملفات القرصنة) هي فايروسات بطور النمو وأقوى أنتي فايروس ما بيكشفها لحتى تبلش تتحرك

انسخ ملفاتك المهمة على وسيلة غير قابلة للكتابة (CD DVD ) لأنو في فايروسات بتفوت بالفلاشة أو الهارد بتطلع من آخرو بتمحي كل ملفات الأوفس بطريقة غير قابلة للاسترجاع إلا بالسحر الأسود

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s