لعل الأفكار تحب الحرية فتتحول إلى كلمات

ساخر

رسائل غرامية – الاتصالات


مع إنو برد بس حرارة الشوق ما خلتني اكتب عن المازوت ،لأنك أنت حبي الأول والأخير ،من عشر سنين وقلبي معلق فيكي.هيك الله كتب عليي اشتغل بهل مجال ،ويوم بعد يوم عم حس انك الي واني الك أكتر من قبل.

أكتر شي حلو فيكي إنك طموحة ولو ما عندك شي ،يعني بدك ترجعي أمجاد طريق الحرير عن طريق الكابلات الضوئية وتربطي العالم القديم ببعض ،حلو الطموح بس لازم نفكر بعقلنا يعني يا قلبي ،كل يلي عندك مهندسين عم يشتغلو على الراوترات ،واحد منهن صفي بالسجن والتاني عم يركض ما يلحق ،طيب يا قلبي إذا بدك تربطي العالم ما بدك كوادر ،وبعدين بدك تزيدي عدد بوابات الاي دي ا سال من 120 ألف لمليون، طيب يا عمري إنت ما عندك رقم تلفون تردي عليه إذا حدا عندو مشكلة شلون بكرا بدو يصير عندك مليون زبون.

بعدين شوفي اختك تبع الذهب الأسود قد ما سافروا المهندسين آخر الشي لجأت لأسلوب بدي اقصف عمر يلي بدو يسافر ومع هيك عم يلفو ويدورو ويسافروا ، يا روحي الكوادر بعالم الاتصالات أهم شي والله واذا مو مصدقة روحي اسألي، أنا دايما بشوف بابا عم يصرح أنو بدو وبدو وبدو بس يعني مافي شي عم يصير متل ما بدو ،طيب ما خطر على بالو ليش .

ومن كم يوم بجامعة تشرين يعني حكى حكي والله ما بعرف شو بدي قول، طيب ترك مواقع الدنيا وعلق على الفيس بوك ،معبا مواقع تانية ،إيميلاتنا الحمد لله مشاع صفيانة عم تنباع وليكها الإعلانات على المواقع.

بهالتلجات تذكرت قديش بتحبي عيد الميلاد وطول السنة عم تحتفلي وخطوط الانترنت بتضل عم تطفي وتشعل مدري من الضغط مدري من التجهيزات ما حدا بيعرف، بتذكري مرة كيف وقفت الانترنت بكل الشركات مشان فيش (بريز)، طلعتو نسيانين تحفظو إعدادات الأجهزة ولما قمتو الفيش راحت الإعدادات وصارت العالم تركض ما تعرف شو صاير ،ييي على قطاطك شو بتحبي تتسلي بهالشركات والاستثمارات والله يومها مع إني كنت لح ابكي بس ضحكت ونزلو دموعي

دخيل قلبو للتقيل أنا ، بتعرفي العشاق مزودات الانترنت كيف راكدين وراكي وانت ولا هون ،والله كل ما احكي مع واحد قلو شبك ليش مقطوع وزعلان والشركة عنا واقفة ب،قلي من الاتصالات لا حول ولا قوة إلا بالله ،ما بعرف شو بدي احكي بخاف قلو شو دخلني يقلي وانا شو دخلني ما حدا دخلو انت يا فاطرت قلوب العذارى إنت.

بعدين غيري موديل شعراتك والله كتير أوفر ،يعني موديل النكش انقرض من زمان من أكبر مركز لأصغر مركز ليش الكبلات هيك منكوشة طيب مو شايفة وقت بدك كبل كيف بتلحقيه متل كبل الستالايت عيب هالحكي بمجال الاتصالات ،تخيلي تقطعي الاتصال بين الهند وبريطانيا بكرا مشان وصلة كهربا متل ما عملتي مرة فيني.

والله عندك عملة وبعرف إنك فرحانة كتير ويمكن مافي غيرك مؤسسة ربحانة ،بس يعني يا قلبي حدا خطرلو يحسب قديش ممكن تطالعي لو اشتغلتي مظبوط بعدين بتعرفي إنوا المي ماشية من تحتك والناس كلها على الماسنجر عم تحكي.

بعرف قديش العقوبات والمقاطعة عم تكايد فيكي بس كلو الو حل يا روحي ،بعدين مو عيب وزارة ومؤسسة ما تركب انتي فايروس لقبل كم سنة ،والفيروسات على شوي صارت تحكي وتمشي ولولا لطف الله لبلشت تجيب ولاد ناقصنا نحنا ،أي جمعية تنظيم الأسرة عم تنوح على الزيادة السكانية ناقصة كائنات تانية نحنا يا روحي.

بعدين هيك بتضحكي العالم وبتقولي بدك تستلمي المشغل الثالث تبع الخليوي ،إنت المشغلين القدام لح تمدديلهن العقد لأنو مو خرج تستلمي بتقومي بدك تستلمي التالت يا روحي ،ركزي على الكوادر والله مرة مشان أعرف فاتورة انترنت لأنو خط بالضبط اتصلت عشر تلفونات بالأخير طلعت المسؤولة عندها ساعة رضاعة يعني هالحكي ما بقى مقبول هالأيام يا عمري ،يعني شركات الاتصالات بتتبارى أنو الدعم عندها على مدار الساعة إنت بقلب الدوام ما بتردي.

بيناتنا الحكي ،عملي متل شركات إختك تبع الذهب الأسود ،جيبي خبرات من برا ورفعي الرواتب شوي مشان ما يهربو الموظفين وفتحو جامع وكنيسة بركي الله بيهديهن وبيرتفع شوي حسهن بالمسؤولية ،والله حرام هيك عم تضيع هالمصاري عالفاضي وكلو دورات ونشاطات ومعارض بلا طعمة ،والله صرلي سنتين ما رحت على المعرض تبع الاتصالات لأنو آخر مرة كان في واحد عم ينادي 5 سيديات بمية ليرة فحسيت حالي بسوق خضرة وحلفت يمين ما بقى روح على المعرض ،ومراكز هي تبع مدري شو الانترنت الريفية بعرف كلها مساعدات بس في امكانية تكون أحسن أفيد للبلد ،وحقوق الملكية الله يسترك عجلي فيها شوي والله تبهدل الكمبيوتر والبرمجة ،ما لح نطور تكنلوجيا إذا مافي حقوق ملكية فكرية شوفي البلدان حوليكي واسأليهم . حبيبك محمد

Advertisements

الزواج والدعارة والدين من أهم موارد الاقتصاد الاجتماعي


دفعني للكتابة خبر قرأته عن ابتزاز كفيل سعودي لعائلة مقيمة والتلميح أن العائلة شامية بنوع من التحقير وبعد قراءة الخبر تبين أن الكلام الموجود فيه صحيح نوعا ما ولكن خاطئ بالتعميمات الموجودة فأحببت أن أعيد الصياغة وألخص عشرات القصص الواقعية لأشخاص مقربين وأقرباء في بعض الأحيان

“الشوام يبيعون بناتهم” تعميم خاطئ وخصوصا أن كلمة شوام أصبحت تضم 4 مليون عراقي وبالرغم من وجود الكثير من هذه القصص لكن لا يجوز ظلم آلاف العائلات العفيفة التي لا ترضى لبناتها هذه الصفقة وإن كان هناك الآلاف يبيعون داخليا والبعض مستعد للتصدير وبمبالغ جعلت أحد الأصدقاء الذكور يتمنى أن يتزوج خليجي (متهكما طبعا) والتعليق المتحامل “بشوام أذلاء” هو بسبب الغيرة من الإقبال الشديد على المرأة الشامية والسورية بشكل عام المتميزة بلهجتها وجمالها وتربيتها فاعرف العديد من الزيجات الناجحة والفاشلة التي تمت على شكل صفقات إلى دول مجاورة وإلى دول خليجية بل عملية التصدير بدأت بشكل هجين حيث يسافر الشاب ليعود بسيارة نمرة خليجية بعد سنوات ويتزوج من بلده ويعود إلى تطبيق المثل مطرح ما بترزق الزق وليس مستغرب طلب أحد الخليجين من الدليل الترفيهي السوري (على الغالب سائق تكسي أو مساعد صاحب محل عقاري) أنه يريد أن يرى الممثلات السوريات على الطبيعة فقام بأخذه إلى أحد المقاهي ليمتع ناظريه بالجمال السوري.

نظام الكفيل السعودي والخليجي بشكل عام عنصري ويخالف الشرع الإسلامي في بعض الأحيان وله فوائده على هذه الدول وسلبياته شأنه شأن أي قانون وليس هناك دولة على وجه البسيطة إلا وتملك نظام شبيه بنظام الكفيل وتعددت الأسماء كترخيص عمل وكإقامة عمل وأساليب الحد من غزو العمالة واحدة ولكن تزداد الصعوبة بالاستقدام مع قلة الرشاوي والفساد فباستطاعة أي شخص الحصول على كفيل في أي دولة خليجية كما باستطاعته الحصول على فيزا لأمريكا إذا وصل للشخص المناسب ودفع المبلغ المناسب والعديد من الأشخاص بدأ بكفيل وهمي أي فقط لإخراج الإقامة وثم انتقل لكفيل حقيقي بعد أن وجد عمل جيد.

نحن السوريون لا نعاني من الهجرة بشكل كبير كما نعاني من نظام الكفيل بحكم العمق التاريخي لقصة بعرف واحد طلع على قطر وواحد طلع على السعودية لذلك شراستنا مركزة عليه بينما دولة مثل الجزائر فهم شبابها الحصول على ورقة هجرة إلى فرنسا أو بلجيكا فالكل يدندن يا الرايح وين مسافر تروح تعيا وتولي وليس هناك إلا قلة منهم ممن سمع بكلمة كفيل باللغة العربية والكل يسعى لأخراج كفالة مصرفية ليستطيع الدخول لأوربا والخليجيين مكروهين شاميا بحكم الاختلاف الفكري الديني والسياسي.

ولمن لا يرغب بالزواج الفاشل أو حتى الناجح فهناك سياحة الدعارة أو الدلال ضمن الحدود (إشارة إلى سهرة بالملهى الليلي مع عدم إمكانية اصطحاب الفتاة) والمكتب العقاري الأقوى (ولا نعمم) هو القادر على تأمين الغطاء لسهرة حمراء خالية من تطفل وازعاج الجوار وأسماء الشوارع المشهورة بهذه الأمور أصبحت معروفة ومتداولة بين صغار الكسبة والأطفال والعمال والفلاحين واصبت صباحا بتلبك شعوري بعد صلاة الاستسقاء والتوبة العامة الشاملة لكافة المحافظات لاستنزال المطر وأنا اقرأ اعلان مواجه للمسجد يجمع مطرب معروف كصبحي توفيق ومطربة كباريهات كفريحة العبد الله بمرافقة الراقصة ألين فشعرت نفسي في سكرين من خمر وعين ،

وهناك نوادي الطبقة المخملية وهي موجودة في قلب العاصمة وليست بالأرياف كما الكباريهات ذات الزبائن الغير مخمليين حيث يأتي مطربون وفنانون عالميون وتشعر وكأنك في أحد الأفلام الأجنبية فاليوم كاد أي يصدمني وأنا أمشي بالشارع كرسون (نادل بالعربي) فرحان خرج مسرعا من باب النادي الليلي وهو يغني أغنية أجنبية على الإيقاع الخارج من خلف الجدران على بعد شارع ونصف من وزارة الأوقاف لا نستطيع التلميح بالاسم فجميع أصحاب هذه النوادي مدعومين والاسم لا يؤثر بعنوان المقال فهذه النوادي المخملية لا تمثل مورد للاقتصاد الاجتماعي بل هي امتداد لنظام اقتصادي آخر لا دخل لنا نحن الأناس العاديين البسطاء فيه وبالطبع كلمة مخملي ليست ذات تصنيف عنصري بل هناك الفقير المخملي الذي قتر على نفسه طوال الشهر ليسهر في نادي مخملي وهناك الغني الغير مخملي كالخليجي الذي يسهر في الكباريهات الغير مخملية.

وإلى جانب باص الصديقات الروسيات القريب من المساجد الأثرية اللاتي يتم توزيعهن بشكل عادل على النوادي المخملية وغير المخملية بمعادلة ديناميكية متغيرة لم استطع اكتشافها إلى الآن يقف باص الأشقاء الأيرانيين لينزل الأخوة المؤمنون

فتجد فندقين متجاورين الأول توفي الوالد فحول الأبناء الفندق إلى فندق لإيواء العمالة الأجنبية من الفنانات الاستعراضيات حيث تتميز روسيا ودول شرق أوربا بهذه الحرفة والفندق المجاور ما زال تحت إدارة الأب الذي يستقبل المؤمنين الآتين لزيارة المشاهد المقدسة في بلاد الشام ولن أكتب عن الدين حتى لا أعكر العلاقات فحديث الدين هذه الأيام يعكر ونختم بالدعاء لجوليان أسنج مؤسس موقع ويكيليكس بأن يفك الله أسره


ثورة الخواريف (المعروفة بماااع)


بعد ارتفاع أسعار اللحوم والبندورة قرر مجتمع الخواريف الاستغناء عن كل ما لونه أحمر مشتملا التيارات اليسارية كافة بل وحتى اللحم الأبيض بسبب غلاء الفروج وتقرر أن يعكف المجتمع على أكل اللون الأخضر بكافة درجاته من الإصفرار إلى السواد.

بالرغم من توفر العشب الأصفر لم يكن يشعر مجتمع الخواريف بالسعادة لأنه لا يجوز له الرعي أينما أحب ويمنع في كثير من الأحيان من المروج الخضراء بحجة مكافحة التصحر والحرص على وحدة الخواريف وأمور من هذا القبيل ولا يسمح له بقول غير كلمة ماع فما كان من مجموعة فتية من الحملان الطائشة إلا أن دعت لاجتماع مجلس الكباش الأعلى من أجل مناقشة قضية سعادة الخواريف التي بدأت تتلاشى مع انتشار روائح المواشي المذبوحة على طريق الزبلطاني والتي لا تقتصر على نشر التلوث وعمالة الأطفال الظاهرة للعيان بل لقطع الطريق على المارة وإثارة الاشمئزاز بدون رقيب أو حسيب من غير علام الغيوب.

قدم ممثل الحملان لمجلس الأكباش الأعلى عريضة مفادها

نحن الخواريف الفتية (ذكور ونعاج مفردها نعجة وهي أنثى الخروف أو غنمة بحسب اللهجة السائدة) نحب أن نرفع لحضرتكم قضيتنا وأن تفيدونا من خبرتكم المتراكمة بعد أن من الله عليكم بالنجاة من السلخ والذبح

نحن لا نشعر بلذة الحياة التي قد تسمى السعادة أو الأمل وخصوصا عندما يتم ركوبنا في بعض الأحيان ونحن لم نخلق لنركب بل خلقنا لنذبح وليستفاد من صوفنا وجلدنا هكذا تعلما في الأول الابتدائي ويشاركنا مشاعرنا ملايين المواشي من العجول والاغنام والأبقار والنوق والجمال

نحن نفكر بثورة خواريف لأعادة حقوقنا المسلوبة لنطالب بحقنا أن نذبح بطريقة تضمن لنا كرامتنا وأن لا يتم ركبنا كالحمير نحن نريد أن نفكر ونقول غير الماع نحن نريد أن نشعر ما نحب أن نشعر ،لا ما يجب أن نشعر

نحن الخواريف نطلقها صرخة مدوية في وجه كلاب الرعي والرعيان أنفسهم لن نرضخ لقوانين الرعي وسنخرج عن القطيع إذا اقتضى الأمر ولو أدى ذلك إلى ذبحنا فالذبح كخروف حر أفضل من الموت كخروف مركوب كالحمير

هنا تعالت أصوات المأمأة (وهو صوت الخروف بالعربية الفصحى جمع الماع يعني) وأخذت الأكباش بالمأماة بقوة إلى أن نهض كبش أسود بقرون مفتولة ولية كبيرة (مؤخرة الخروف وترمز للسطوة والربربة وتختلف الخواريف حسب الجغرافية فخواريف الجزائر مثلا تأتي بذنب بينما خواريف الشرق الأوسط تأتي بما يعرف اللية)

قال الكبش : أيتها الحملان البيضاء ليس لكم وصف سوى الوداعة وهذا البياض الذي تتباهون به يستطيع الجزارون أن يخضبوه باللون الأحمر فتخيلو أنفسكم وما شعور النعجات وهي تراكم تسبحون في برك من اللون الأحمر

أيها الحملان الوديعة ويل لمن خرج عن القطيع فالذئاب تنتظركم لتنهش لحمكم.

أيها الحملان لا ضير من الماع إذا كنا نعيش بهدوء وسلام فالماء ولو كان ملوث والعشب ولو كان أصفر أفضل من التشرد في الأراضي القاحلة حيث لا نباتات ولا ماء.

أيها الحملان باسم مجلس الأكباش الأعلى نعلن انتهاء النقاش ونمزق هذه العريضة حتى لا تصل ليد الراعي وخصوصا أن الأعياد على الأبواب فقد يطلق لحيته ويقوم بمشروع لتشجيع سنة الأضحية لا يهدف من ورائه إلا ذبح من أمضى على هذه العريضة.

تعالت المأمأة مرة أخرى واستمرت إلى يومنا هذا والدليل اسمع لأي قطيع من الخرفان ستسمع كلمة مااااع


راكب بالميكرو


لك الخمسين ليرة (1$) يلي بدو ياخدها التكسي ولادي احق فيها ، خليني عم استنى المكرو لبكرا شو عندي

بس خليني وقف تحت الشجرة حاكم والله داب بزر مخي (اشارة للشمس الحارقة وعدم وجود الظل)

(واخيرا دخان أسود كثيف وينقض الميكرو على الرصيف،)

الحمد لله فرجت

لك مافي كرسي فاضي بسيطة مافي مشكلة متبهدلين طول حياتنا وقفت على هي منطلع على المقرفص (متخذا وضعية القرفصاء وهي الوضعية التي يأخذها الإنسان عندما يلبي نداء الطبيعة).

(الحديث الدائر بين الشوفير والراكب أمامه يتمحور حول زيادة تعرفة الميكرو وانها رد فعل طبيعي لزيادة اسعار المحروقات التي كسرت ظهر الشوفيرية (الشوفيرية : جميع سائقي سيارات النقل العامة ويمارسون ذلك كمهنة))

(عيون بطل القصة شاخصة وجاحظة ويحدق بشكل مباشر يعني صافن، تمر الافكار برأسه بدون توقف)

وهدول يلي لسا ما فقسو من البيضة كل يوم بسيارة شكل وأبو محمود يلي ريحة بيتو طالعة صار عندو سيارة يعني قديمة بس بيضل اسمها سيارة

لو كان البيت قريب والله كنت رحت مشي على الشغل بس ما لح اقدر استحمل

بعد هالعمر يقولو فلان صار يركب بسكليتة (مسكليتة في بعض اللهجات) والله كبيرة بحقي أعوذ بالله شو هالحكي

لك آآآآخ أخ طبعا ما حدا لح يحس فينا كل واحد راكب سيارة مكيفة وكلشي بيصل لعندو من وين بدها تفرق معو الخمس ليرات والليرة

يا رب تفرجها والله انا تعبت، بس الحمد لله الله ساترها الحمد لله

بسم الله – فرام قوي قطع صفنة صاحبنا وأدى إلى عودته إلى أرض الواقع يعني المكرو-

الحمد لله هي راكب نزل لك لك لك حسبي الله ونعم الوكيل لازم نخلي الحرمة (أنثى تجاوزت الأربعين بشكل عام) تقعد

لك حتى بكرسي المكرو مالي حظ ، الله يسامحك يا ابي لو ما بعت بيت المزة من زمان بخمسمية ليرة (10$) هلق كانت حالتي غير هيك

يحرق اخت هالعيشة كيف ، لك حتى اجرة البطيخ المكرو بدها تزيد

بس اكيد بيزيدو باصات النقل الداخلي لأنو العالم هيك ما بتسكت

منصير منطلع بالنقل الداخلي ، يييي رجعنا بعد هالعمر عالعجقة والتدفيش والطلعة على الواقف

اي شبها على الواقف ما ليكك طالع على المقرفص

ان شا الله ينزلو الباصات الجديدة متل ما عم يقولو ، هه بس لو ما نزلوهن قال العالم لح تحكي

واذا حكو شو لح يطلع معهن

– الشوفير ينادي بصوته الشجي : “يلي ما حاسب ورا”-

والله لا تآخذني نسيت ، تفضل – ويمد يده وبناول الذي أمامه الخمس ليرات (0.10$) ليوصلها بدور إلى الشوفير

(الشوفير يبربر بصوت منخفض والله على هالعالم هي والله)

حسبي الله ونعم الوكيل أنا يحكي عليي هيك واحد لك آآآآخ أخ شو بدي اعمل

وتستمر الحياة


سياسة التجييج


المخ تعب من كتر التفكير والعيون تعبو من كتر السهر والقلب بقيان فيه شوية أمل فما العمل

نقص النوم يؤدي الى خلل بيلوجي في الجسم ويؤدي بدوره الى خلل في الاحاسيس والمشاعر باعتبارها مرتبطة بمواد كيماوية المخ والجملة العصبية مسؤولون عن افرازها والجملة العصبية تتأثر عند التعب والارهاق وقلة النوم،

قد لا يستطيع الانسان التحكم في الرياح ولذلك فإن السفينة ستعاني الامرين لتجري كما تشتهي وقد تتمزق الاشرعة وتتكسر السفينة وكل ما كان المخ عنيد “بالمصطلح العامي حيوان” ستكون اضرار السفينة اكبر وقد يؤدي هذا العناد “الحيونة” الى غرق السفينة بالكامل في حالة من الغيبوبة بسبب قلة النوم والارهاق الشديد،

اما اذا استسلمت للرياح فسوف تمشي بسلاسة وترضي غريزة القطيع الموجودة بداخلك وتصبح من متبعي سياسة التجيج “من حياة الجاج” وسترتاح بدنيا وتتعذب فكريا اذا كان عندك مخ اكبر من الجاجة بقليل،

يعني اني خيرتك فاختاري ما بين الموت من مخي او من التعب والارهاق أو من الاثنين سوا واذا مفكر ترتاح فمالح ترتاح لأنو حتى الجاجة معرضة للمضايقات فقد يأتي ديك شرس ينكد عليها عيشتها وقد يكون قياس البيضة غير مناسب فيزيولوجيا لها، وهنا تظهر حيونة الجاجة وتصر على اخراج البيضة مهما كلف ذلك من ألم

يعني حتى الجاجة بتتحيون أوقات “تعاند” فالعناد والتحدي من طبيعة المخلوقات لتكمل حياتها ، ولكن نحن البشر قد ينحدر بنا المستوى الى الاستسلام التام مثل الكثير من القطعان البشرية التي أصبحت كالأنعام بل أضل فلا تأمر بمعروف ولا تنهى عن منكر خوفا من أو خوفا على،

في الحديث الصحيح عن الرسول صلى الله عليه وسلم ” الدنيا سجن المؤمن وجنة الكافر” وفي رواية ضعيفة صحت موقوفة على عبد الله بن مسعود ” لا راحة لمؤمن إلا بلقاء ربه” وفي الصحيح أيضا عن النبي صلى الله عليه وسلم “أشد الناس بلاءاً الأنبياء ثم الأمثل فالأمثل”

نعود لصلب الموضوع وهو المخ التعبان واتعب معه الجسد وبقيان شوية أمل فما العمل؟ الصراحة ما بعرف أو يمكن بعرف بس خايف احكي وحابب كون جاجة


وأد الشعوب – يا ليتني كنت فجلة


من أهم قضايا الساعة اليوم زواج القاصرات وإجهاض الأجنة ويصف البعض ذلك بالوأد في القرن الحادي والعشرين وإن كان الموضوعان السابقان يتعلقان بجسد وشعور طفولي وروح فهناك من الوأد ما يتعلق بالجسد والفكر والشعور الكامل الناضج والروح،

ليس هناك من جنين أو قاصر متزوجة تقول ليتني أموت أو تهم بالانتحار ففي هذه الحالات لا يتم اغتصاب الفكر أو الشعور الناضج الذي يتميز عن الشعور الطفولي بانه ليس آني ويتجاوز الألم الجسدي ليتحول لألم فكري وداخلي عميق،

معظم حالات الزواج المبكر الفاشلة كانت ستفشل أيضا ولو في سن غير مبكر أو سن متأخر فمعظم من يقصون معاناتهم تجد السبب ظلم الزوج ولو أحسن الزوج المعاملة لما سمعت قصة عن الزواج المبكر أو حتى زواج القاصرات

من أسباب الوأد في الجاهلية خوف الرجل أن تسبا المرأة أثناء الحرب فهو لن يحتمل أن تكون نساؤه بيد غيره أو خوفا من الفقر والجوع وقد تلاشى السبب الأول واضمحل وظهرت جمعيات ومنظمات تحارب الغيرة وتدعو الرجل أن يكون عقلانيا في قضايا الشرف، حتى سبب الجوع والفقر تلاشى فسعر الخبز مدعوم وكذلك السكر ولكن تأبى كلمة الوأد أن تتلاشى بالرغم من اختفاء الأسباضاربة بقوانين الالسببية والعقل والمنطق عرض الحائط،

تأبى كلمة الوأد أن تموت وتختفي، وتترنح من الضعف كلمات كالغيرة والشرف والكرامة والعزة، بل إن كلمة الوأد تتطور وتأخذ أبعادا جديدة كوأد المجتمعات ووأد الشعوب ووأد الفكر ووأد المفكرين خوفا من الشرف والغيرة والعزة والكرامة،

هناك صفوف دراسية كاملة تتألف من عشرات الطلاب موؤودة وهناك مدرجات جامعية مؤلفة من مئات الطلاب موؤودة أيضا  وهناك مدن وقرى مؤلفة من مئات الألوف موؤودة وهناك شعوب مؤلفة من الملايين موؤودة ليصبح المثل الشعبي – من التراب وإلى التراب – من التراب وفي التراب وإلى التراب أو لعلنا ما زلنا أطفالا نحب اللعب بالتراب أو لا نملك من الفكر والقدرة أن ننفض عن أنفسنا التراب

وكبصيص من الأمل استخدم الإنسان القديم -ليس قديما كثيرا في الحقبة الترابية – التراب للبناء والتعمير واليوم يستخرج السيليكون المستخدم في تصنيع معالجات الأجهزة الالكترونية كأضخم كمبيوترات وكالة ناسا الأمريكية للفضاء إلى موبايل أختي الصغيرة إلى كمبيوتر وكالة سانا للأنباء

لا أعرف ماذا أقول سوا يا ليتني كنت شجرة لأصعد فوق التراب أو كنت فجلة لأعيش تحت التراب ،


سقوط راقصة


عندما تبدأ معركة التشات بيني وبين صديقي عمر عباس وتبدأ جراحات المعركة التجميلية تنزف على شاشة الكمبيوتر والاصابع تتسابق إلى مفاتيح الكيبورد للملمة الجراح بصوت تكتكي حاد يكون آن الأوان لابداع تشاتي جديد

me: ‫كيفو

omar: مو ماشي

me: ‫علاه = ليش

‫علاه يا العزيز = ليش يا صاحبي

اهدر وش كاين راني سامع = حكي شوفي أنا عم اسمع

omar: و الله

يا حبيب

الوواقع العادي الحلو

او الاليم

دائما بسكر بوجوهنا

أحلام صعبة التحقيق

ونحن الحالمون

او مستعطفي الحياة

me: ‫جاييك نفحت ضغط شعوري معناها لأنو هو دائما مسكر بس نحنا ننسى

omar: دائماً عنا أمل

و هيك

تمام

me: ‫أي ليك هو الكاسة فيها نصفين

omar: ممممممممم

يلعن ابو هالكاسة

ضلينا نتفرج عنصها الملين لحتى نشف

المليان

me: ‫أوافقك الرأي بس هي ما بتنشف نحنا أوقات منشربها بسرعة وطج رد منصحا

‫الله وكيلك من يوم كنت لح اصحا صحوة

omar: و كعبك أبيض

ليش عندكن جماعة الصحوة كمان

me: ‫يعني لولا لطف الله كنت لح اصحا وشوف الواقع مرة تانية بس فتت استهديت بالرحمن واخدت دوش ورجعت تناسيت كلشي

‫اخي قولا واحدا يجب ان نتعود الألم

omar: و الله مهم

انو الواحد ما يصحصح

العمة

me: ‫انت هيئتك صحيت

omar: هدول جماعة نسكافيه بدهن يروحونا

من كتر القهوة

صحيت

انا اللي صار معي

انو انفتحلي شباك بحياتي الرتيبة على الدنيا الحلوة

المشمسة

me: ‫وقت الواحد بصير معو مشكلة بقوم بيصحا لأنو بتتنبه عندو مراكز الشعور متل الصوبية وقت تنفض

omar: و المصيبة من فرحتي

نطيت من الشباك

وطلعت وبدون ما اعرف

me: ‫انكسرت رقبتك شي؟؟

omar: بآخر طابق

لاء

بس وقعت

انا نطيت

كان لازم ابقى عم اتفرج من بعيد

و اتمتع

بس الدمناظر غرتني

و انا نطيت

نطة الارنب الاجدب

me: ‫تخيل الغرفة يلي نطيت منها بقلب غرفة تانية والتانية بقلب تالتة وهكذا

‫يعني البني آدم بضل ينط

‫هي هي خبرة الحياة

‫وكل ما ينط بفكر حالو هي اكبر نطة

‫بيتفاجأ انو لسا في برا ولسا في شباك

‫رد يندفع بغريزة الانسان الهمجي

‫وطق بنط يا بتنكسر رقبتو يا بيتوجع شوي

omar: كتير صح كلامك

بس كل شباك عم نط منو

عم يخليني خاف كتير من اللي بعدو

و عم اكره الشبابيك

me: ‫رد بقوم بنفض الغبرة وبيقعد بهل غرفة المحدودة الحيطان ضمن روتين أربع حيطان وسقف

omar: صاير انا

me: ‫طق بيفتح شباك بمد راسو

‫يا بيجي حدا بسلخك طيارة وبيشلفك برا لأنو أوقات بتنط رغم إرادتك

‫أو انت بحماسة السعادين بتنط

‫لا تفكر انك تضل جوا الغرفة

‫لأنو الحيطان إلها أدان وإيدين ورجلين كمان

omar: اي

و السعدان ما بيهدا

الحيطان الها شوك

والها الوان مقيتة

وما بتحس

الحيطان عدوة السعدان

me: ‫اي طبعا بس في سعادين تم ترويضها

‫بحيث أصبحت جاج

‫يعني نوم وبيض

omar: اي

me: ‫هلق في عندك واحد بيعرف شو عمل من سنتين

omar: صرلي عم حارب سياسة التجييج كتير

me: ‫لأنو نفس الشي

omar: و عم دور ع شبابيك ونط

ونط

ونط

صرلي ناطط من مليون شباك

ولساتني بنفس الغرفة

me: ‫لا انت هيك بتظن

‫الغرف متشابهة

‫بس بتصير أكبر

‫ومعجوقة أكتر

‫غير اذا وقعت على راسك وفقدت الذاكرة

‫بترجعلك كم غرفة لورا

‫مشان هيك أهل أول قالو تعا من الباب لا تنط من الشباك

‫عادي أبو شريك

‫شوف أنا مثلا فتت من الباب طلع مافي درج

‫ووقعت كمان

omar: اففففففف

يعني مع انك جربت الباب

بس طلع بلا درج

me: ‫اي

‫اذا لح توقع فلح توقع

‫مشان هيك نط من الشباك ضمن الثوابت والأخلاقيات

‫اذا متت بتموت شهيد

omar: اخ لا قيات

me: ‫طبعا أخلاقيات الهنة

‫المهنة

‫لأنو الأخلاقيات في السقوط مهمة

‫في ناس بتوقع طج

‫في ناس شك

‫في ناس خبط

‫لازم تراعي الجوار أهم شي

omar: ادبيات السقوط

me: ‫أي

‫أديب الدايخ

‫من كتر ما وقع

omar: داخ

بس أديب

me: ‫وفي أديب عربي قديم شو قال

‫والله ما بعرف شو قال

‫بس يعني شي عن سقوط الشعر

omar: تساقط؟

الاديب محمد شكو؟

me: ‫في كتاب للإمام الغزالي الله يرحمو اسمو تهافت الفلاسفة

‫آم ابن رشد ألف تهافت التهافت

‫تساقت الأديب محمد شكو

‫تساقط

‫بتحسو نهاية لمدرسة أدبية

‫أو نوع من الانحطاط الفكري

omar: الواسع

خلاصة ومحصلة الأدب

me: ‫يعني متل واحد كان يكتب عن الفلسفة العقلية وصار يكتب قصص بوليسية

omar: يجمعها لكم الاديب محمد شكو

و ترافقه الراقصة ليالي

me: ‫اي اهم شي الراقصة ليالي تسقط على الارض من الانهاك

‫على خشبة الرقص

omar: و تتهافت قبلات الجماهير

على جميع انحاء و بقاع جسدها العاري

الذي انهكه الهز

طلبا لقمة العيش

الحلال

me: ‫شايف كيف وراء كل سقوط مأساة ووراء كل مأساة امرأة

omar: الرواية البوليسية الجديدة

سقوط راقصة

راجعلك

عشر دقايق


الصديقان … عمر عباس (القلب المغفل) و محمد شكو (المخ المخلص)


عندما المخ المخلص المسكين محمد شكو لعمر عباس القلب المغفل بدأ عمر ينزف ونزلت منه بقعة على الشاشة ليست كما البقع والبيكسلات التي تترامى على شاشة اللابتوب الايسر ذات الـ 14 انش

me: ‫متل ما عم قلك‬

‫اخي انا شو السر بين المخ والقلب ما عم افهم‬
omar: هدول تنين كانو صحبة كتير بزمناتهن
قبل ما تفوت المشاعر (الانثى) بيناتهن
غيرتلو طريقو للمخ
و شربت من المخزون الاستراتيجي للقلب
المخ عطول ينصح رفيقو الغالي

بلالك هالمشاعر و خلينا مكفيين مع بعض
و هون القلب انتفض على المخ
و قللوا مافيك تنصحني بشي مو اختصاصك
و لا من صلاحياتك
انت من طريق و انا من طريق
بس دائما اخلاص المخ برجعو لرفيقو
و طيبة القلب ما بتتخلى عن المخ
و المشاعر عم تغوي القلب
و تجاكر المخ
اللي هيي بالاصل مغرمة فيه
بس هو ماعلق
قصة قصيرة

من نزيف عمر عباس على شاشة محمد شكو

الصديقان … عمر عباس (القلب المغفل) و محمد شكو (المخ المخلص)

عشر نصائح لإنجاز العمل بسرعة الحلزونة


كنت وما زلت رافضا للعمل في الدوائر الحكومية فالموظف الحكومي هو مضرب المثل للتعقيدات الإدارية والدوامة الحلزونية البيروقراطية ولكن هذا المرض الحلزوني قد أصاب الكثير من الشركات العربية الخاصة والتي لا تحتوي على أنظمة لقياس الأداء فعند طلبك لعرض سعر لا تستغرب أن تلجأ للترجي أو تبوس أيد قسم المبيعات واحد واحد لحتى يبعتولك عرض سعر ، والعيب طبعا ليس في الأشخاص بل في النظام المطبق الذي يميزه قتل الابداع والهروب من تحمل المسؤولية وعدم تشجيع المبادرة ولذلك عليك بالتالي:
1. لا تفترض أبدا أن الشخص المقابل قد فهم ماذا تريد ،حتى ولو حلف أنه فهم ، كرر ولو بطريقة أخرى.
2. يجب أن تذكر الشخص المعني بإنجاز الأمر بشكل يدفعه للملل والتنفيذ ، وبشكل يشعر فيه بالذنب.
3. إذا كان الهاتف يكفي فلا تكتفي به استخدم الهاتف والإيميل والرسائل القصيرة إذا لزم الأمر.
4. يجب تضخيم الأمر عند عدم التنفيذ وإيهام الطرف المقابل أن عجلة الكون قد توقفت.
5. احترم الطرف المقابل واذا اردت أن تسخر من أمر ما فوجه السخرية لشخصك وليس للشخص المقابل.
6. بالاستناد إلى 5 السخرية سلاح فعال لايصال الفكرة وابقائها عالقة بالذهن.
7. عطفا على الرقم 1 قد يفهمك الشخص المقابل بطريقة خاطئة استوعبه ووضح له الأمر واعتذر منه اذا لزم الأمر واذا لم تنجح الطرق السابقة الله جعلو عمرو ما يفهم يضرب هوه ويلي …. طول بالك إذا الشغلة بسيطة.
8.عطفا على الرقم 2 بإمكانك وبطريقة خبيثة أن تجند عشرات الأشخاص لتذكير الشخص المعني بإنجاز المهمة لحتى يحس أنه محاصر ولا مفر من التنفيذ.
9. هناك بعض الأشخاص مستعدة للعمل ولكن النتيجة ستكون مغايرة 180 درجة لما توقعته ، استخدم النماذج القابلة للتعبئة (فورم – تيمبلت) ومع ذلك لا تتوقع أن تحصل على النتيجة المرجوة.
10. توقع السيناريو الأسوأ ، فلن تعرف كيف سيتم تأجيل العمل أو الاعتذار عن أدائه.
11. أهم نقطة : استخدم لغة الأرقام
تاريخ لبدء التنفيذ
تاريخ للانتهاء
عدد الأسطر
عدد المواد
الأرقام ثم الأرقام ثم الأرقام

وبعد ذلك يمكنك إضاقة 200% من الوقت المتوقع للإنجاز حتى تحصل على رقم قريب من الواقع


الأدب المبتذل والمخزوق الثقافي


س: بدي اكتب شي عن الأدب
ع: كيف تريد الكتابة عن الأدب وقد بدأت خلافا لقواعد الكتابة وبلغة عامية ركيكة
س: صلي على النبي والله لغتي رقيقة مو كتير صعبة
ع: هذا الكلام لا يصح وإذا أردت الكتابة عن الأدب عليك أن تتذوق الكلمات تذوقا
س: هيك يعني مثلا وأنا جالس خلف الحاسب الآلي وارتشف كوب الشاي الأحمر القاتم هيك عم اتذوق الشاي بكون
ع: انت تستهزئ وذلك لأنك لا تملك المخزون الثقافي اللازم لتنتج أدب راقي يلي بمستوى المتلقي
س: هو من ناحية لا أملك فأنا لا أملك شي والله يعني غير كم شغلة لا تمثل شيء في تاريخ الإنسانية وتطور السلالة البشرية بس من ناحية المخزون الثقافي فأنا عندي شي اسمو المخزوق الثقافي وهو شغلة بقلبها ثقافة وعم تشرشر فكل فترة بتشر شوية ثقافة
ع:هذه تفاهة واساءة للأدب والثقافة العربية
س:لا يستر عرضك بكرا بيصير حملة عليي ويمكن ينحجب من وراها الورد برس متل ما محجوب غيرة وغيراتو (في اشارة خفية للفيس بوك والبلوغ سبوت واليوتيوب) هلق بينحجبو لأنو عم يشوهو المحتوى العربي الرقمي على الشبكة العنكبوتية
ع:طبعا هذه الأسطر الممسوخة المقيتة تشوه عقل المتلقي وتسبب له عسر هضم
س: أصلا أنت الحكي تبعك هاد لا بطعمي خبز ليعمل عسر هضم وشوه كل حياتنا العين تطرقك
ع:لا ولكن كلامي يدافع عن التراث والثقافة والأصالة
س: لك أخي على عيني بس روح شوف المنتديات الثقافية والأدبية تبعك أي ما فيها حدا ويلي فيها هنن من نمرتك عم يتذوقو الكلمات ويحتسو النبيذ
ع:كلامك ما هو إلا انحطاط في المستوى الفكري للأمة
س: هيهيييييي على هالقصة أنا بقلو خبز هو بقلي مستوى فكري
ع:وكلامك يمثل صراع فكري
س:طيب هلق انت شو بدك هلكتني
ع:انا بدي مصلحتك
س: والله وأنا بدي مصلحتك كمان لأنو بعرف إنك حريص على الأكل والتذوق وإنو الثقافة ما تكون مخزوقة بس كمان لازم تعرف شو نبض الشارع
ع: استخدامك لكلمة نبض الشارع دليل على وجود شيء من الثقافة لديك
س:هو متل ما قلتلك في ثقافة مخزوقة وكل فترة بتشرلها شوي يعني متل أغاني شعبان عبد الرحيم مثلا
ع: لا تذكر اسمه أمامي قد شوه الأغنية العربية
س: رد ارجعنا للتشوهات ، يا أخي خلقة الله ، بعدين الزلمة إلو جمهورو وهييييييييه ، وبواكب نبض الشارع
ع: على أي حال الموضوع طويل وموضوع الغناء العربي يستحق أن تفرد له حلقة خاصة
س:حبيبي أنا ما بكتب بتسلسل فكري منمق متل حكايتك أنا بكتب شو بيخطر على بالي

يتبع …..